مرض السكرمرض العصر

المقصود بمرض السكر: هو ارتفاع نسبة السكر في الدم

تحليل السكر للشخص السليم:

صائم من 90- 100

فاطر بعد ساعتين من 130- 140

تحليل السكر لمرحلة ماقبل السكر( يعني مريض داخل علي سكر)

صائم أقل من 126 

فاطر بعد ساعتين أقل من 200

تحليل سكر لمريض سكر( يعني أكيد عنده سكر)

صائم أعلي من 126 

فاطر بعد ساعتين أعلي من 200

ملحوظة مهمة جدا

مرحلة ماتسمي  ماقبل السكر مرحلة مشكوك في امرها  ويجب الاهتمام بها عشان ممكن نتنقل بسهولة لمرضي سكر

أظبط تحليل هو  الهيموجلوبين السكري  او مايسمي السكر التراكمي:

الشخص السليم من 4 - 5.5

مرحلة ماقبل السكر  من 5.6 - 6.5

مريض السكر   أعلي من 6.5
التحليل ده بيتعمل بدون صيام

أعراض السكر المرتفع:

زيادة العطش.زيادة التبول وخصوصاً ليلاً.فقدان الوزن.التعب والإرهاق.جفاف الفم.جفاف الجلد.زغللة العين.تنميل وشكشكة في اليدين والساقين

فيه حالات بتكون معاها قئ او هرش وحساسية

وفيه حالات من غير أي أعراض..بنكتشفها لما نطلب من المريض تحاليل لتجهيزه لعملية مثلاً.

أسباب ارتفاع السكر:

وراثة.تناول سكريات ونشويات كتير.ضغط نفسي وعصبي.وجود عدوي.نسيان تناول علاج السكر

مضاعفات مرض السكر:

الإصابة بأمراض القلب والاوعية الدمويه.امراض الكلي.دهون علي الكبد.تلف الأعصاب.تأثر شبكية العين.القدم السكري.

اصابة السمع.جلطة المخ.....

العلاج:

المتابعة مع طبيب مختص مع تعديل النظام الغذائي.وممارسة الرياضة نصف ساعة يومياً..عدم التدخين..تظبيط الضغط والدهون ( إن وُجد).ننزل الوزن شويه لو فيه سمنة.

العلاج إما عبارة عن أقراص او حقن أنسولين...علي حسب السن والحالة والتحليل

ملحوظةهامة

لو مريض سكر أُغمي عليه..وأنت مش عارف  هل مغمي عليه من سكره العالي ولا مغمي عليه من هبوط السكر؟!

تعمل معاه إيه-----إديله أي حاجة مسكرة لو قادر يبلع...لو مغمي عليه ومش قادر يبلع : معلقة مربي او سكر وإدهن فمه من الداخل لغايه مايفوق  وبعدين شربه أي عصير او قطعة حلاوة طحينية مثلاً

لييييه؟لأن لو سكره منخفض    أنت كده أسعفته وحفظت المخ من هبوط السكر 

  ولو كان سكره عالي   يبقي مش حيفرق ان سكره كان مثلاً 500 وأصبح 600

#صاحب السكر يصاحبك.

دامت عليكم الصحة و العافية .